top of page
075775e6-bcd7-425b-86b1-07225300c3f6.JPG

Протетика
(Замена на заби)

1. Коронки и мостови

  • Коронките и мостовите се наменети за возрасни пациенти со оштетени, скршени или отстранети заби. Коронката ја покрива целосно оштетената површина на забот, додека мостот ја надоместува празнината помеѓу заби.
  • Процедурата ја изведува стоматолог и трае обично 2–3 посети, вклучувајќи подготовка на забите, земање отпечатоци и поставување на коронката или мостот. Тие ја враќаат функцијата на џвакање и естетиката на насмевката.
 
Како да знаете дека ви е потребно?
  • Ако имате скршени или ослабени заби, празнини помеѓу забите, чувствувате болка при џвакање или сакате да ја подобрите естетиката и функционалноста на насмевката.

2. Тотални и парцијални протези

  • Тотални и парцијални протези се наменети за возрасни кои имаат изгубено еден или повеќе заби. Тоталната ротеза ја заменува целата забна низа, додека парцијалната ја пополнува празнината помеѓу постојните заби.
  • Протезите го подобруваат џвакањето, говорот и естетиката, и се изработуваат индивидуално за максимална удобност и стабилност.
 
Како да знаете дека ви е потребно?
  • Ако имате изгубено еден или повеќе заби, имате тешкотии при јадење или говор, или сакате да ја подобрите естетиката и функцијата на забите.

3. Реставрации поддржани со импланти

  • Реставрациите поддржани со импланти се наменети за пациенти со еден или повеќе изгубени заби. Имплантот се вградува во вилицата како вештачки корен  а потоа се поставува коронка мост или протеза.
  • Овој третман обезбедува долготрајна стабилност, враќање на функцијата и природен изглед на забите. Времетраењето зависи од сложеноста и времето за зараснување на коската.
 
Како да знаете дека ви е потребно?
  • Ако имате изгубен заб, сакате трајно решение без стругање на соседните заби или растојанието помеѓу преостанатите заби е големо, или сакате природен изглед и удобност при џвакање.

4. Реконструкција на насмевка

  • Реконструкцијата на насмевката е комплетен естетски и функционален третман за пациенти со повеќе оштетени или изгубени заби. Процесот вклучува комбинација од коронки, мостови, импланти, протези и други естетски интервенции за целосна хармонија на насмевката.
  • Третманот го изведува стоматолог-специјалист и се планира индивидуално според физиономијата и желбите на пациентот.
 
Како да знаете дека ви е потребно?
  • Ако имате оштетени, скршени или изгубени заби, неправилна линија на насмевка, функционални потешкотии при џвакање или сакате целосна естетска промена.

5. Прилагодување на загриз и рехабилитација на џвакање

  • Прилагодувањето на загриз и рехабилитацијата на џвакањето се наменети за пациенти со неправилен загриз, проблеми со вилицата или нерамномерно оптоварување на забите. Процедурата вклучува корекција на контактите меѓу забите, стабилизација на вилицата и подобрување на функцијата на џвакање.
  • Овој третман го изведува стоматолог-специјалист и помага да се спречат болки во вилицата, истрошеност на забите и главоболки поврзани со неправилен загриз.
 
Како да знаете дека ви е потребно?
  • Ако имате болка во вилицата или лице, во виличниот зглоб, отежнато џвакање, често шкрипење со заби или забележувате истрошени заби и неправилен загриз.
Закажете термин денес и направете го првиот чекор кон вашето орално здравје и убава насмевка.
bottom of page